ഇസ് ലാമിന്റെ മൂലപ്രമാണങ്ങളിലെ അതശ്രേഷ്ഠമായതാണ് നിസ്ക്കാരം.മുന്കാല വേദങ്ങളില് മുഹമ്മദ് നബി (സ്വ)യുടെ സമുദായത്തെ പരിചയപ്പെടുത്തുന്നത്ത് നമസ്ക്കാരം നിലനിര്ത്തുന്നവരായിട്ടാണ്.ഓരോ ഫര്ള് നിസ്ക്കാരവും അടുത്ത നിസ്ക്കാരം വരെയുള്ള പാപങ്ങളെ പൊറുപ്പിക്കുമെന്ന് ഹദീസില് കാണാം.മുസ്ലിംകളും മറ്റുള്ളവരും തമ്മിലുള്ള അന്തരം നമസ്ക്കാരം ഉപേക്ഷിക്കലാണെന്ന് നബി (സ്വ) വ്യക്തമാക്കിയിട്ടുണ്ട്.
'നിങ്ങളില് ഒരാളുടെ വീട്ടുപടിക്കലിലൂടെ ഒഴുകുന്ന നദിയില്നിന്ന് അഞ്ചുനേരം അയാള് കുളിക്കുകയാണെങ്കില് തന്റെ ശരീരത്തില് വല്ല അഴുക്കും അവശേഷിക്കുമോ..?' ഒരിക്കല് സ്വഹാബത്തിനോടായി നബി (സ്വ) തങ്ങള് ചോദിച്ചു.'ഇല്ല' അവര് പ്രതിവചിച്ചു.'അപ്രകാരമാണ് അഞ്ചുനേരത്തെ നിസ്ക്കാരവും'നബി തങ്ങള് പറഞ്ഞു.
നമസ്ക്കാരം ഉപേക്ഷിക്കുന്നവന് ഇസ്ലാമില് യാതൊരു സ്ഥാനവുമില്ല.നിസ്ക്കാരം പിന്തിപ്പിക്കുന്നതും അശ്രദ്ധമായി നമസ്ക്കരിക്കുന്നതും ശരിയല്ല.ഇത്തരക്കാര്ക്കാര്ക്കാണ് വൈല് എന്ന നരകമെന്ന് ഖുര്ആനിലുണ്ട്.നിസ്ക്കാരം ഖളാഅ് ആകാതെ സൂക്ഷിക്കുകയും വേണം.ഇത്തരം സന്ദര്ഭങ്ങളില് അടുത്ത സമയം തന്നെ വീട്ടുകയും വേണം.
ഒറ്റക്ക് നിസ്ക്കരിക്കുമ്പോഴും ഇമാമിനോടൊപ്പമാകുമ്പോഴും സലാം വീട്ടക്കഴിഞ്ഞാല് ദിക്ര്,പ്രാര്ത്ഥന,സുന്നത്ത് നിസ്ക്കാരങ്ങള് തുടങ്ങിയവ മറക്കരുത്.
Comments
Post a Comment