📗
സമ്മാനങ്ങളിലൊന്നാണ് മക്കള്. ഏതൊരു ദാമ്പത്യത്തിന്റെയും ആഘോഷമാണ്ഒരു കുഞ്ഞിന്റെ ജന്മം. കാലങ്ങള് കാത്തിരുന്നിട്ടും സ്വന്തമെന്ന് പറയാവുന്ന ഒരു പിഞ്ചോമനയുടെ കൊഞ്ചുന്ന മുഖം കാണാന് സൗഭാഗ്യം ലഭിക്കാത്തവര്ക്കേ അതിന്റെ വിലയറിയൂ.
📙മക്കളുടെ സാന്നിധ്യവും
വികൃതികളും ഉമ്മയുടെയും ഉപ്പയുടെയും ഹൃദയങ്ങളെ കോര്ത്തിണക്കുന്ന അനുഭവങ്ങളായിരിക്കും. കളിയും ചിരിയും നിറഞ്ഞ പിഞ്ചോമനകള് പലരുടെയും ജീവിതത്തിന്റെ ആശാകേന്ദ്രങ്ങളായിത്തീരുന്നതുപോലും അതുകൊണ്ടാണ്.
🔷
🔶🔷🔶🔷🔶🔷🔶🔷🔶🔷
📕മക്കള്, ഉപ്പയുടെയും
ഉമ്മയുടെയും കൈയിലെ കളിമണ്ണാണ്. ആ കളിമണ്ണിനെ ഏതു രൂപത്തില്വാര്ത്തെടുക്കണമെന്ന് തീരുമാനിക്കേണ്ടത് അവരാണ്. മാതാപിതാക്കള്ക്കും സമൂഹത്തിനും ഉപകാരപ്പെടുന്നവരും നേരും നന്മയും കൈമുതലാക്കുന്നവരുമായി അവരെ മാറ്റിത്തീര്ക്കുവാനും, നേരെ തിരിച്ച് അവരെ ചിന്തിപ്പിക്കാനും ഉമ്മയുടെയും ഉപ്പയുടെയും സാന്നിധ്യവും ശിക്ഷണവും കൊണ്ട് സാധിക്കുമെന്ന് സാരം.
🔷🔶🔷🔶🔷🔶🔷🔶🔷🔶🔷
📒ജീവിതം ആനന്ദകരമാ
വണം. സുഖദുഃഖങ്ങള് സമ്മിശ്രമായി നമ്മിലനുഭവപ്പെട്ടുകൊണ്ടിരിക്കുമ്പോഴും പ്രതീക്ഷയുടെയും ആശ്വാസത്തിന്റെയും ഉള്പ്പുളകങ്ങള്അതിനെ കേടുകൂടാതെ നിലനിര്ത്തിക്കൊണ്ടേയിരിക്കണം. മക്കള് അത്തരമൊരു ഉള്പ്പുളകമാണ് നമുക്ക് നല്കുന്നത്.
📕പിതാവിന്റെ പേരും
പെരുമയും നിലനില്ക്കുന്നത്മക്കളിലൂടെയാണ്. മക്കള് ദുഷിച്ചവരും ദുര്മാര്ഗികളുമാകുമ്പോള്, സമൂഹം പലപ്പോഴും പഴിക്കുന്നത് ആ മക്കള്ക്ക് ജന്മം നല്കിയ മാതാപിതാക്കളെയായിരിക്കും. തലമുറകളില് നിന്ന് തലമുറകളിലേക്ക് പറിച്ചു നടപ്പെടുന്ന നന്മയുടെ ജീവാംശങ്ങള്ക്ക് പ്രതിഫലമായി മുന്തലമുറകള്ക്ക് അല്ലാഹുവില് നിന്ന് അനുഗ്രഹം ലഭിക്കുമെന്ന് നബിതിരുമേനി(സ) പറഞ്ഞിട്ടുണ്ട്.
🔷🔶🔷🔶🔷🔶🔷🔶🔷🔶🔷
📗മക്കളോടുള്ള സ്നേഹവും
കാരുണ്യവും ഇഹലോകത്ത്മാത്രം ഒതുങ്ങേണ്ടതല്ല. സ്വന്തം ഹൃദയത്തോട് ചേര്ത്തുവെച്ച ആസ്നേഹം മക്കളുടെ പരലോകവിജയത്തിനുകൂടി സഹായകരമായിത്തീരണമെന്നതാണ് ഇസ്ലാമികവീക്ഷണം. അതുകൊണ്ടാണ് ചെറുപ്പം തൊട്ടേ നല്ലശീലങ്ങളും ആരാധനാനിഷ്ഠയും അവരില് ഉണ്ടാക്കണമെന്ന് നബിതിരുമേനി(സ)നിര്ദ്ദേശിച്ചത്.
📒അമിതമായ
പുത്രവാത്സല്യം കാരണം ചിലര് കുട്ടികളെ നമസ്കരിക്കുവാനും നോമ്പനുഷ്ഠിക്കുവാനും ശീലിപ്പിക്കാത്തത് നാം കാണാറുണ്ട്. അങ്ങനെയുള്ള മാതാപിതാക്കള് മക്കളെ സ്നേഹിക്കുന്നില്ലെന്നതാണ് യാഥാര്ഥ്യം.
🔷🔶🔷🔶🔷🔶🔷🔶🔷🔶🔷📗"നാഥാ, ഞങ്ങളെ
ചെറുപ്പത്തില് എപ്രകാരമാണോ അവര് വളര്ത്തിയത്, അപ്രകാരം നീ അവരോട്കാരുണ്യം കാണിക്കണേ'' എന്ന് പ്രാര്ഥിക്കാന് മക്കളോട് അല്ലാഹു കല്പിക്കുന്നുണ്ടല്ലോ.
📘"ചെറുപ്പത്തില്
എപ്രകാരമാണോ വളര്ത്തിയത്,അപ്രകാരം "എന്നു പറയുന്നതില് ധാരാളം അര്ഥാംശങ്ങള് അടങ്ങിയിട്ടുണ്ട്. ഇസ്ലാമികമായ ജീവിതത്തിലൂടെയല്ല മക്കളെ വളര്ത്തിയതെങ്കില് ആപ്രാര്ഥന തിരിഞ്ഞു കുത്തുമെന്നുകൂടി നാം ഓര്ക്കുക.
📒മക്കള് കാണുന്ന
രീതിയില്
ഉമ്മയും ഉപ്പയും പരസ്പരം സ്നേഹം പങ്കിടണമെന്നും ഭക്ഷണം വായിലേക്ക് കൈമാറണമെന്നും നബിതിരുമേനി(സ) ഉപദേശിച്ചതിന്റെ ഉദ്ദേശ്യം വിശാലമാണ്. പോരുംകലഹവും ഇല്ലാത്ത,സ്നേഹസമ്പന്നരായ ഉമ്മയുടെയും ഉപ്പയുടെയും മക്കള് ആ രീതിയില് നിന്ന് തിരിഞ്ഞ് നടക്കാന് സാധ്യതകുറവാണ്.
🔷🔶🔷🔶🔷🔶🔷🔶🔷🔶🔷📕“എല്ലാ കുട്ടികളും ജനിക്കുന്നത് ശുദ്ധ പ്രകൃതിയോടെയാണ്. എന്നിട്ട് അവന്റെ മാതാപിതാക്കളാണ് അവനെ യഹൂദിയും ക്രിസ്ത്യാനിയും മജൂസിയുമാക്കുന്നത്”. അബൂ ഹുറൈറ (റ) നിവേദനം ചെയ്തു ബുഖാരിയും മുസ്ലിമും ഉദ്ധരിച്ച പ്രസിദ്ധമായ ഹദീസാണിത്.📙ഇസ്ലാമാണ് പ്രകൃതി മതമെന്നും മാതാപിതാക്കളും സാഹചര്യങ്ങളുമാണ് മനുഷ്യരെ പ്രകൃതിപൂജകരും ബഹുദൈവ ആരാധകരുമാക്കിത്തീര്ക്കുന്നതെന്നും വ്യക്തമാക്കുന്ന നബിവചനം. 📒ജന്മപാപമെന്ന ക്രൈസ്തവ മിഥ്യയെ തകര്ക്കുന്ന തിരുമൊഴി,📗ഇതിനെല്ലാമപ്പുറത്ത്, കുട്ടിയുടെ സ്വഭാവരൂപീകരണത്തിലും വിശ്വാസ ദ്രിഡീകരണത്തിനും മാതാപിതാക്കളുടെ പങ്ക് വ്യക്തമാക്കുന്നതല്ലേ ഈ പ്രവാചകാധ്യാപനം
❓📙കുട്ടികളെ സംസ്കരിക്കുന്ന ജോലി പ്രധാനമായും മാതാവിനാണ്. സംസ്കാരസമ്പന്നമായ മാതാവിനേ മക്കളെ നന്നാക്കാനാകൂ. ഉമ്മയാണല്ലോ പ്രഥമ പാഠശാല, പിതാവാണ് സുപ്പര്വൈസർ, പിതാവ് നിയന്ത്രിക്കണം, പഠിപ്പിക്കണം, ഉപദേശിക്കണം, നിര്ദ്ദേശിക്കണം, സഹായിക്കണം, സംരക്ഷിക്കണം.📗കുട്ടികള് സദ്വൃത്തരാകാനും കുടുംബത്തില് ഐശ്വര്യം നിലനില്ക്കുവാനും ആഹാരം ഹലാലായിരിക്കല് അനിവാര്യമാണ്,🔷🔶🔷🔶🔷🔶🔷🔶🔷🔶🔷📙മക്കളുടെ നന്മയും വളര്ച്ചയും ഉയര്ച്ചയും ഏതൊരു രക്ഷിതാവിന്റെയും അഭിലാഷമാണ്. പക്ഷേ, അത് പലപ്പോഴും ഭൗതിക തലത്തില് ഒതുങ്ങിപ്പോവുന്നു. 📗മക്കള്ക്ക് നല്ല ഭക്ഷണവും വസ്ത്രവും ചികിത്സയും പൊതുസമൂഹം വിലയും നിലയും കല്പിക്കുകയും ഉയര്ന്ന ജോലി നേടിത്തരികയും ചെയ്യുന്ന വിദ്യാഭ്യാസവും നല്കാന് ബദ്ധശ്രദ്ധരാകുന്നതോടൊപ്പം അവരുടെ ധാര്മിക വളര്ച്ചയില് നിര്ണായമായ പങ്ക് വഹിക്കാനുണ്ടെന്നത് വിസ്മരിക്കുന്നു.📕അവരോടുള്ള ബാധ്യതകള് നിര്വഹിക്കുന്നുണ്ടോ, അവര് നമ്മുടെ ധാര്മിക ജീവിതത്തിന് വിലങ്ങുതടിയാവുന്നുണ്ടോ എന്നൊക്കെ അല്ലാഹു പരീക്ഷിക്കുമ്പോള് അത് ഗൗരമാര്ന്ന വിഷയമാണെന്ന് പലരും ചിന്തിക്കുന്നില്ല. അങ്ങനെ മക്കള് വെറും അലങ്കാരമായി മാറുന്നു.📒സന്താനങ്ങള് ധാര്മിക ബോധമുള്ളവരാകാന് ആവശ്യമായ ശിക്ഷണങ്ങള് നല്കേണ്ടത് രക്ഷിതാക്കളുടെ ചുമതലയാണ്. 📕നബി(സ) പറഞ്ഞു: 
🍀"നിങ്ങള് മക്കള്ക്ക് അര്ഹമായ പരിഗണന നല്കുകയും അവരുടെ പെരുമാറ്റ രീതികള് ഉല്കൃഷ്ടമാക്കുകയും
ചെയ്യുവിന്. "🍀
🍀
📚 (ഇബ്നുമാജ) 📚🔷🔶🔷🔶🔷🔶🔷🔶🔷🔶🔷
🌺 عَنْ أَبِي هُرَيْرَةَ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: " إِنَّ اللَّهَ عَزَّ وَجَلَّ لَيَرْفَعُ الدَّرَجَةَ لِلْعَبْدِ الصَّالِحِ فِي الْجَنَّةِ، فَيَقُولُ: يَا رَبِّ، أَنَّى لِي هَذِهِ؟ فَيَقُولُ: بِاسْتِغْفَارِ وَلَدِكَ لَكَ "🌺
💎അബൂഹുറയ്റ(റ)യില് നിന്ന് നിവേദനം.
♦നബി(സ) പറഞ്ഞു:🍀"സദ്വൃത്തനായ ഒരു ദാസന്റെ സ്വര്ഗത്തിലെ പദവികള് അല്ലാഹു ഉയര്ത്തിക്കൊണ്ടേയിരിക്കും. അപ്പോള് അവന് ചോദിക്കും: നാഥാ, ഇതെനിക്കെങ്ങനെ കിട്ടി❓ അല്ലാഹു പറയും: നിന്റെ സന്താനം നിനക്ക് വേണ്ടി പാപമോചനപ്രാര്ഥന നടത്തുന്നതുകൊണ്ട് "🍀📚 (അഹ്മദ്)📚
Comments
Post a Comment